中  文
བཀྲ་ཤིས་རྟགས་བརྒྱད་ཀྱི་མཚོན་དོན།
སྤེལ་དུས།  2014-04-13 08:53:19    རྡེབ་ཚད། 

༡ .དུང་དཀར།

དམ་པའི་ལྷ་ཆོས་དང་སྦྱར་ན།སྙན་པ་དམ་པའི་ཆོས་ཀྱི་སྒྲ་སྒྲོག་པའི་གསུང་དབྱངས་སྙན་མོ་དེ་མཚོན་པ་དང་།འཇིག་རྟེན་མི་ཆོས་དང་སྦྱར་ན་བཀྲ་ཤིས་པའི་དབྱངས་སྙན་མོ་འགྲོ་བ་ཀུན་གྱི་ཡིད་ལ་བདེ་བ་སྟེར་ཞིང་མི་རང་ག་བའི་སྙན་གྲགས་རྒྱས་པ་དེའང་མཚོན་པའོ།།
༢ གདུགས།
དམ་པའི་ལྷ་ཆོས་དང་སྦྱར་ན།གཞན་ཕན་བྱང་ཆུབ་ཀྱི་སེམས་ཀྱིས་འགྲོ་བའི་ཉོན་མོངས་པའི་ཚ་གདུང་ སེལ་བར་བྱེད་པ་དེ་མཚོན་པ་དང་།འཇིག་རྟེན་མི་ཆོས་དང་སྦྱར་ན་མིའི་སེམས་ཀྱི་སྡུག་བསྔལ་སེལ་ཞིང་། དབུ་འཕང་མཐོ་བ་དེ་མཚོན་པའོ།།
༣ རྒྱལ་མཚན།
དམ་པའི་ལྷ་ཆོས་དང་སྦྱར་ན་ཕ་རོལ་བདུད་དང་མུ་སྟེགས་པ་ཕམ་པར་བྱས་ཏེ་མཚན་དཔེའི་ཡོན་ཏན་
ཀུན་ནས་རྫོགས་པ་དེ་མཚོན་པ་དང་།འཇིག་རྟེན་མི་ཆོས་དང་སྦྱར་ན་འཚེ་བ་དགྲ་གེགས་དང་ནད་གདོན་ཀུན
གཞོམ་ཞིང་དཀའ་བའི་ལས་ཐམས་ཅད་ལས་རྣམ་པར་རྒྱལ་ཏེ་ལེགས་ཚོགས་ཀྱི་གཟི་འོད་བཀྲ་བ་དེ་མཚོན་
པའོ།།
༤ འཁོར་ལོ།
དམ་པའི་ལྷ་ཆོས་དང་སྦྱར་ན་བརྗོད་བྱ་སྡེ་སྣོད་གསུམ་དང་རྗོད་བྱེད་བསླབ་པ་གསུམ་གདུལ་བྱའི་རྒྱུད་ལ་
འཕོ་བར་བྱེད་པའི་ཆོས་ཀྱི་འཁོར་ལོ་འདི་མཚོན་པ་དང་།འཇིག་རྟེན་མི་ཆོས་དང་སྦྱར་ན་སྡང་དགྲ་ཟིལ་གྱིས་གནོན་ཅིང་གང་བསམ་ཡུལ་ལ་སླེབས་པ་དེ་མཚོན་པའོ།།
༥ དཔའ་བེའུ། (པ་ཊ།གཡུང་དྲུང)
དམ་པའི་ལྷ་ཆོས་དང་སྦྱར་ན་ཡོན་ཏན་ཐམས་ཅད་རབ་ཏུ་རྫོགས་ཤིང་ཡེ་ཤེས་ལྔའི་དཔའ་དང་ལྡན་པ་
དེ་མཚོན་པ་དང་།འཇིག་རྟེན་མི་ཆོས་དང་སྦྱར་ན་ཚེ་རིང་ཞིང་བློ་རིག་བཀྲ་བ་ཀུན་ལ་མཐུན་ཞིང་འགྱུར་མེད་ཀྱི་བརྩེ་དུངས་དང་མཛའ་བརྩེའི་མདུད་པ་དམ་པ་དེ་མཚོན་པའོ།།
༦ བུམ་པ།
དམ་པའི་ལྷ་ཆོས་དང་སྦྱར་ན་ཡོན་ཏན་དང་རྣམ་དཀར་བསོད་ནམས་ཀྱི་བཅུད་ཀྱིས་གང་བ་དང་ལྡན་པ་
དེ་མཚོན་པ་དང་།འཇིག་རྟེན་མི་ཆོས་དང་སྦྱར་ན་ཡོན་ཏན་མ་ལུས་ཁོང་དུ་ཆུད་པ་དང་རྒྱུ་ནོར་གྱིས་ཕྱུག་པ་
དེ་མཚོན་པའོ།།
༧ གསེར་ཉ།
དམ་པའི་ལྷ་ཆོས་དང་སྦྱར་ན་ཤེས་རབ་དང་ཡེ་ཤེས་ཀྱི་སྤྱན་དང་ལྡན་པ་དེ་
མཚོན་པ་དང་།འཇིག་རྟེན་མི་ཆོས་དང་སྦྱར་ན་ཕ་མ་དང་དགེ་སློབ་གྲོགས་པོ་ བར་གྱི་འགྱུར་མེད་ཀྱི་བརྩེ་བ་དང་ཕོ་མོའི་དུང་དེའང་མཚོན་པའོ།།
༨ པདྨ།
དམ་པའི་ལྷ་ཆོས་དང་སྦྱར་ན་ལས་ཉོན་གྱི་སྐྱོན་གྱིས་མ་གོས་པ་དེ་མཚོན་པ་
དང་།འཇིག་རྟེན་མི་ཆོས་དང་སྦྱར་ན་གཟུགས་མཛེས་ཤིང་གཤིས་རྒྱུད་དྲང་བ་ དེ་མཚོན་པའོ།