中  文
མཚམས་སྦྱོར་ལྔ་བ་བཤད་པ།
སྤེལ་དུས།  2014-06-12 08:28:38    རྡེབ་ཚད། 

མཚམས་སྦྱོར་ལྔ་བ་བཤད་པ། 

༡ མིང་གི་རབ་ཏུ་བྱེད་པའི་མཚམས་སྦྱོར།

རྒྱ་གར་སྐད་དུ།    སྭ་ར་སྭ་སྟི་བྱཱ་ཀ་ར་ཎ་སཱུཏྲ།    བོད་སྐད་དུ། བརྡ་སྤྲོད་པ་དབྱངས་ཅན་གྱི་མདོ།   འཕགས་མ་དབྱངས་ཅན་མ་ལ་ཕྱག་འཚལ་ལོ། ཨ་ཨི་ཨུ་རྀ་ལྀ་མཚུངས་པ་རྣམས་སོ། ཐུང་ངུ་རིང་བོ་པླུ་ཏས་ཕྱེ་པ་རྣམས་འདྲ་བའོ། ལྷག་མ་འཇིག་རྟེན་ལས་གྲུབ་པ་འདིར་བཤད་དོ། ཨེ་ཨེེ་ཨོ་ཨོོ་མཚམས་སྦྱོར་གྱི་ཡི་གེ་རྣམས་སོ།    གཉིས་པ་རྣམས་དབྱངས་སོ།   ཨ་བོར་བ་ནཱ་མིའོ།   །ཧ་ཡ་ཝ་ར་ལ།   ཉ་ཎ་ན་ང་མ།   ཛྷ་ཌྷ་དྷ་གྷ་བྷ།   ཛ་ཌ་ད་ག་བ། ཁ་ཕ་ཚ་ཋ་ཐ།   ཙ་ཊ་ཏ་ཀ་པ།    ཤ་ཥ་ས།       ཐོག་མ་དང་མཐའ་མ་དག་གིས་སོ། ཧ་ས་གསལ་བྱེ་རྣམས་སོ། དབྱངས་ཉམས་པ་གསལ་བྱེད་དོ། བྱ་བའི་ཆེད་དུའོ། གང་ཞིག་ཨིཏ྄་ཀྱི་མིང་ཅན་དེ་ནི་དབྱིའོ།   ཡི་གེ་མི་མཐོང་བ་ཕྱིས་པའོ།   ཡི་གེ་རྣམ་པར་འགོག་པ་ནི་དབྱི་བ་ཙམ་མོ། གཉེན་དང་འདྲ་བ་ནི་ཨཱ་ག་མའོ། དགྲ་དང་འདྲ་བ་ནི་ཀུན་ནས་བསྒྱུར་བའོ། དབྱངས་བར་ན་མེད་པའི་ཧ་ས་རྣམས་ནི་ཡང་དག་པར་སྦྱོར་བའོ། ཀུ་ཙུ་ཊུ་ཏུ་པུ་སྡེ་བ་རྣམས་སོ། ཨར྄་ཨེཏ྄་ཨོ་ནཱ་མིའི་ཡོན་ཏན་ནོ། ཨཱ་ཨཱར྄་ཨེེ་ཨོོ་འཕེལ་བའོ།  མཐའི་དབྱངས་ལ་སོགས་པ་ཊིའོ། མཐའ་ལས་སྔོན་མ་ཨུ་པ་དྷཱའོ། ཕ་རོལ་ཏུ་ཡང་དག་པར་སྦྱོར་བ་སོགས་མེད་པའི་ཐུང་ངུ་ནི་ཡང་བའོ། ཞེས་པ་བརྡ་སྤྲོད་པ་དབྱངས་ཅན་གྱི་མདོ་ལས་མིང་གི་རབ་ཏུ་བྱེད་པ་རྗོགས་སོ།
༢   དབྱངས་ཀྱི་མཚམས་སྦྱོར།
   དབྱངས་ལ་ཨིཡ྄འོ། ཧ་ས་ལས་ར་ཧ་མ་ཡིན་པའི་ཧ་ས་རྣམས་སོ།   ཛྷ་བྷ་ལ་ཛ་བ་རྣམས་སོ། དབྱངས་ཀྱིས་དམན་པ་ཕ་རོལ་ཏུ་ཡང་དག་པར་སྦྱོར་རོ།   ར྄་ལས་ཡ྄་ཡང་གཉིས་སོ། ཨུ་ཝ྄འོ།  རྀ་ར྄འོ། ལྀ་ལ྄འོ། ཨེ་ཨཡ྄འོ།  ཨོ་ཨཝ྄འོ། གསལ་བྱེད་ལ་དབྱངས་མཚམས་སྦྱོར་བ་མ་ཡིན་ནོ།   ཨེེ་ཨཱ་ཡ྄འོ།   ཨོོ་ཨཱ་ཝ྄འོ། །ཚིག་མཐའི་ཡ྄་ཝ྄་དག་ཡང་ན་དབྱིའོ།   །ཨེཏ྄་ཨོཏ྄་དག་ལས་ཨཏ྄འོ།   །འདྲ་བའི་ཡི་གེ་འདུས་པ་ལ་རིང་པོའོ།   ཨ་ཨི་ལ་ཨེའོ། ཨུ་ལ་ཨོའོ།   །རྀ་ཨར྄་འོ ། །ལ་ལར་ཨཱར྄་དུའོ།   །ལྀ་ཨལ྄འོ།   །ཨེ་དང་ཨེེ་ལ་ཨེེའོ།   །ཨོ་དང་ཨོོ་ལ་ཨོོའོ།   ཨོཥྛ་དང་ཨོ་ཏུའི་ཨོ་ཡང་ནའོ། ཞེས་པ་བརྡ་སྤྲོད་པ་དབྱངས་ཅན་གྱི་མདོ་ལས་དབྱངས་ཀྱི་མཚམས་སྦྱོར་རྫོགས་སོ།
༣ རང་བཞིན་དུ་གནས་པའི་མཚམས་སྦྱོར།
ཨ་མཱི་ལས་མ་ཡིན་ནོ། །ཨཱི་ཨཱུ་ཨེ་གཉིས་ཉིད་ལས་སོ། །ཨ་ཨོ་ནི་པཱ་ཏའོ།   །པླུཏའོ། །རྒྱང་རིང་པོར་འབོད་པའི་ཊི་ལ་པླུཏའོ། །ཞེས་པ་བརྡ་སྤྲོད་པ་དབྱངས་ཅན་གྱི་མདོ་ལས་རང་བཞིན་དུ་གནས་པའི་མཚམས་སྦྱོར་རྣམས་རྫོགས་སོ། །
 
༤ གསལ་བྱེད་མཚམས་སྦྱོར།
ཙ་པའི་ཨ་བ་ལ་ཛ་བའོ། །ཉ་མ་ལ་ཉ་མ་ཡང་ནའོ། ཙ་པ་ལས་ཤ་ནི་ཚའོ། །ཧའི་ཛྷ་བྷ་རྣམས་སོ། ས་ཏུའི་ཤ་ཙུ་རྣམས་ལ་ཤ་ཙུའོ། ཤ་ལས་མ་ཡིན་ནོ། །ཥྚུ་རྣམས་ཀྱིས་ཥྚུའོ། །ཏུའི་ལ་ལ་ལའོ། །མཐར་གནས་ལ་གཉིས་སུ་དབྱེའོ། །ཥ་ལ་མ་ཡིན་ནོ། །མཐའི་ཊུ་ལས་སོ། ན྄་ལས་ཚ་ཏ་ལ་སཀ྄འོ། ཤ་ལས་ཙཀ྄་ཡང་ནའོ། ཐུང་ངུ་ལས་ད྄་ཎ྄་ན྄་དབྱངས་ལ་གཉིས་སོ།   །ཚ་ཡིའོ། །ཁ་ས་ལ་ཛྷ་ས་རྣམས་ཀྱི་ཙ་པའོ། །མ་ནི་རྗེས་སུ་ང་རོའོ། །ཚིག་མཐའ་དང་ཛྷ་ས་རྣམས་ལ་ཡང་ནའོ། །ཡ་པ་ལ་ཡ་མ་ཡང་ནའོ། །ཡ་བ་ལ་ཕ་རོལ་ལ་ཡ་བ་ལ་ཡང་ནའོ། །ཛྙཱཾི་སྡེབ་སྦྱོར་ལའོ། །ཞེས་པ་བརྡ་སྤྲོད་པ་དབྱངས་ཅན་གྱི་མདོ་ལས་གསལ་བྱེད་མཚམས་སྦྱོར་རྣམས་རྫོགས་སོ། །
༥   རྣམ་བཅད་ཀྱི་མཚམས་སྦྱོར།
རྣམ་པར་བཅད་བྱའི་ས྄འོ། །ཤ་ཥ་ས་ལ་ཡང་ནའོ། །ཀུ་པུ་དག་ལ་ྈྐ་ྉྤ་དག་ཡང་ནའོ། །བཱ་ཙའི་པ་ཏི་ལ་སོགས་པ་རྣམས་ལའོ། །ཨ་ཧན྄་གྱི་རཱ་ཏྲི་མ་ཡིན་པ་ལ་ར྄འོ། །ཨ་ལས་ཨ་ལ་ཨུའོ། །ཧ་བ་ལའོ།   །ཨཱ་ལས་ཨ་བ་ལ་དབྱིའོ། །དབྱངས་ལ་ཡ྄་ཉིད་ཡང་ནའོ། །བྷོས྄་ལས་སོ། །ནཱ་མི་ལས་ར྄འོ། །ཨཥས་ཀྱི་བུདྡྷ་ལ་ར྄འོ། །རེ་ཕའི་རང་བཞིན་ཅན་ནི་ཁ་པ་ལ་ཡང་ནའོ། །ར་ལས་སོ། །ར་ལ་དབྱི་སྟེ་རིང་པོ་ཡང་ངོ། །ས་དང་ཨེ་ཥ་ལས་ཧ་ས་ལའོ། །ཞེས་པ་བརྡ་སྤྲོད་པའི་དབྱངས་ཅན་གྱི་མདོ་ལས་རྣམ་པར་བཅད་བྱའི་མཚམས་སྦྱོར་ཏེ་མཚམས་སྦྱོར་ལྔ་བ་རྗོགས་སོ། །
 
 
པར་ལྡན་འོས་སྦྱོར།